بالفيديو احتفالات راس السنه في كوكب دبي الشقيق
السبت، 31 ديسمبر 2016
الجمعة، 30 ديسمبر 2016
شاهد بالفيديو سيدة تشتم باسم يوسف وتقوله انت (خ*ل) وتكررها شاهد رد فعل باسم يوسف امام الحضور
للناس اللي داخله جيش او تعرف حد رايح جيش لازم تقرا الكلام دا اللهم بلغت اللهم فأشهد
للناس اللي داخله جيش او تعرف حد رايح جيش لازم تقرا الكلام دا اللهم بلغت اللهم فأشهد
للناس اللى داخله جيش فى نص شهر 1 الجاى
دول 49 نصيحة مهمة و حاجات تجيبوها و انتوا رايحين مركز التدريب:
1- فلوس مش اقل من 600 جنيه
2- ادوية للبرد - الكحة - الامساك - الاسهال - استحلاب للزور -الصداع - مرهم للكدمات - مسكن
3- 3 اقفال كومبيوتر يكونوا نضاف عشان ميتكسروش و يكونوا حجم متوسط بلاش الكبير عشان مش هينفع
4- غيارات داخلية
5- بودرة رجلين
6- مزيل عرق
7- فرش جزمة طبي هتلاقيه ب 10 جنيه تقريبا من عند اي ورشة جزم هيفيدك عشان البيادة ناشفة
8- مكن حلاقة علي قد ما ربنا يديك و بلاش جيليت بلو 3 مش هتنفع معاكوا خليكوا في جيليت بلو 2 و هاتوا الكيس الكبير تقريبا هتحلقوا مرة كل يومين لو دقنك خفيفة و لو تقيلة كل يوم
9- يستحسن لو فووم حلاقة او جيل عشان تنجز بدل كريم الحلاقة و الفرشة و هات افتر شيف عشان التهابات بعد الحلاقة
10- فرشة سنان و لو مش بتغسل سنانك هتغسل في الجيش
11- معجون بقي عشان فرشة السنان
12- معلقة و دي حاجة مهمة جدا عشان الاكل و دايما حافظ عليها و سيبها في جيب الافارول عشان متنسهاش لو دخلت الميس (المكان اللي بتاكلوا فيه) من غيرها هتضطر يا تقوم يا تاكل بالكارنيه
13- خرطوم متر عشان الحمام بس لو عايز الاحسن لان احيانا بيمنعو دخول الخراطيم في شطافة بتتباع عشان الناس اللي بتسافر اسمها فريش باز سعرها 110 جنيه موجودة في الصيدليات الكبيرة زي العزبي هتنفعك خصوصا لما تكون المية مقطوعة و دا العادي يعني بس خليها دايما مليانة و خلي معاك ازازة مية شايلها للاستخدام في الحمام في دولابك و متقلقش محدش هيقول عليك فرفوور لان في الاغلب هيفكروها زمزمية
14- ليفة عشان تستحمي
15- صابون و صبانة بغطا و شامبو اكياس عشان تستخدم مرة و ترمي
16- فوطة و سيبك من الفوطة اللي هيسلموهالك
17- 3 اربطة جزمة بيج عشان لو رباط البيادة اتقطع
18- ممكن تاخد معلبات بس مش كتير و ممنوع تماما الاكل العادي طالما مفيش عليه صلاحية مش هيدخل
19- هتحتاج يبقي معاك سندوتشات كتير عشان يوم الترحيل طويل تقريبا اطول يوم ف جيشك
20- شريحة خط موبايل و تكون مشحونة عشان لو عرفت تسلك نفسك و تقفش موبايل من عسكري قديم تتكلم منه لو معرفتش بيبقي في كباين يتليفونات و بيتباع كروت شحن بتاعت مرحبا بس احتياطي تقدر تشتريه من اي سنترال المصرية للاتصالات بيبقي ب 10 جنيه
21- ممكن تاخد معاك موبايل صغير من غير كاميرا تخليه معاك بحيث لما تترحل تطمن اهلك بس اول ما تترحل مركز التدريب و يقولوا اللي معاه موبايل يسلمه في الامانات سلمه عشان لو اتقفش منك في التفتيش هيتكسر قدامك ,, الميزة هنا ان لما تيجي تمشي من مركز التدريب و رايح القوة الاساسية بتاعتك هيبقي معاك الموبايل و تقدر تسلكه بقي بس بالطريقة
22- لما تيجي تحلق احلق علي 1 او نص مش اقل عشان متبقاش زي المساجين ولا اكتر عشان متضطرش تحلق في الجيش بالمكنة بتاعتهم
23 - اكياس اريال الصغيرة عشان هتغسل بأديك هناك
24 - قصافة
25- وايبس و ديتول
26- كشاف صغير عشان الدنيا بتبقي ضلمة بليل في العنبر بيتباع ب 2.5 في المكتبات
27- ساعة تكون بتنور بردو عشان كل حاجة هناك بمواعيد
28- شرابات و نصيحة بلاش تلبس الشراب الميري ولا يووم و الاحسن لو شراب كوتينيل تقيل و طويل عشان رجلك متتعورش في البيادة
29- شبشب و يفضل يكون كروكس مقفول من الجناب عشان لو الحمامات فيها مية ع الارضية ولا حاجة
30- دوبارة تعلق فيها المفاتيح عشان هيدوك سلسلة بتجيب تنيا مع العرق
31- محفظة بسوستة تشيل فيها حاجتك و خليها دايما معاك في جيبك و متعرفش حد انت واخد معاك فلوس قد ايه
32- مراية صغيرة عشان لو الحمامات زحمة تعرف تحلق دقنك ..بس خلي بالك ساعات مبيدخلوهاش عالبوابة فحاول تسلكها
33- لما هتدخل هتعرف مصطلحات جديدة زي ميس و كحوول و جيشك حلبة و مستجد و رديف و جراية و زريير و سيكا و اخر واحدة دي الاسم اللي بيطلع علي اي حد اجازاته مستريحة فمتخدش ف بالك
34- قبل ما تروح هتبقي واخد فكرة ان كل الناس اللي هتقابلهم حرامية و كله بياكل في بعضه دي مش حقيقة بس بردو تاخد احتياطك و اوعي تسيب حاجتك برة دولابك
35- هتقابل ناس جدعة جدا و من كل حتة و هتبقوا صحاب بدون مصلحة و انتوا ف مركز التدريب فبلاش تاخد جنب و متعرفش حد بس بردو اختار اللي تقعد معاهم و خلي المقياس الوحيد الرجولة مش دا منين و دا مؤهل ايه
36- بلاش تشيل كذا شنطة و انت رايح مركز التدريب عشان هتبقي مش عارف تشيلهم ولا تشيل المخلة ولا تشيل البطاطين
37- لو داخل الجيش في الشتا ابقي هات معاك دفاية تحطها تحت البطاطين بتاعة الجيش عشان البطاطين مبتدفيش لوحدها
38 - هتلاقي دايما في حكاية ان في جن و عفاريت ف العنبر و الحمامات كبر دماغك دي حكايات
39- علاقتك بالتونة و الجبنة هتبقي علاقة مش هتتكرر بعد متخرج من الجيش فحاول تحبهم لو مبتحبهمش
40- البس حاجة مريحة و انت رايح يوم الترحيل عشان هتقعد كتير و حافظ عليها عشان لو نزلت اجازة في مركز التدريب
41- ابقي ادخل الحمام بليل عشان مفيش وقت الصبح و هتلاقيه زحمة
42- لو كباين التليفون علي طول عليها ناس و مش عارف تتكلم استني لما كلو ينام و اصحي الساعة 1 او 2 و اتصل براحتك
43- اما تروح وحدتك الاساسية اول حاجة تعملها تسأل العساكر القديمة عن كل حاجة ماشية ازاي في المكان بتاعك عشان تبقي عارف تعمل ايه
44- لو بتعرف كومبيوتر اول ما تروح دور علي العساكر بتوع الكومبيوتر و اتصاحب عليهم عشان ياخدوك معاك المكتب لان المكاتب اريح مكان في الجيش
45- و انت ف مركز التدريب بييجي مناديب من الاسلحة ياخدوا ناس ابعد تماما عن بتوع الصاعقة و المظلات و القوات الخاصة قولهم انك مكسح
46- نصيحة بقي للي لسة هيقدم و لسة مراحش كشف طبي لو طلعت بعد الكشف الطبي مكان اسمه الانتقاء و التوجيه هيسألوك انت فيك حاجة قولهم اي حاجة عشان مياخدوكش عشان دول بيودوا علي حرس حدود و صاعقة و قوات خاصة علي طول
47- لو عندك شكوي طبية حقيقية متفقدش الامل و متتكسفش عشان في ناس بتطلع ف افضل اعمل تظلم و متكسلش
48- متخليش اي حد يضايقك ف مركز تدريب لان دوسيهك بيكون مقفول .. و بتتحاسب اول ما تروح القوة الاساسية بس
49- لو انت بتدخن خد معاك 3 ولاعات و كمرهم عشان الولاعه هناك حاجة نادرة و غير كدا لو اتشافت بتتكسر و مش اكتر من 4 علب سجاير عشان الباقي هيتاخد
الثلاثاء، 27 ديسمبر 2016
من هي أبله فاهيتا ومن الذي يقوم بالاداء الصوتي لها
تساؤولات كثيرة من هي أبله فاهيتا ومن الذي يقوم بالاداء الصوتي لها ؟؟ !
يعمل "حاتم الكاشف" منذ فترة بشركة فودافون وموقع "يلو بيدج"، وكان من ضمن المخرجين الذين يتعاونون في صناعة الشخصية المخرجيْن "تميم يونس" و"علي علي" والأخير قام بإخراج كليب "ما يستاهلوشي" الذي شاركت فيه فاهيتا مع حسن الشافعي، إلى جانب المؤلف والمخرج عمرو سلامة الذي ساعد في كتابة بعض المواقف الكوميدية لأبلة فاهيتا، لكنه يرفض الإعلان عن نفسه بحسب شروط القائمين على صناعة "أبلة فاهيتا".
أبلة فاهيتا عروسة أطفال اثارت جدلاً واسعاً في الفتره الماضيه القليلة وقد نالت شعبية ضخمة وتساؤلات كثيرة ومن اهمها ومن ضمن هذه الاسئله ، من هي أبله فاهيتا ومن الذي يقوم بالاداء الصوتي لها، حيث نشرت بعض المواقع الاخباريه عن هذا السر الذي يتسائل عنه الجميع واكتشف مؤخراً ان الذي يؤدي الصوت لأبله فاهيتا هو ” شادي عبداللطيف ” وهو أحد مقدمي برنامج الاعلامي المعروف ” باسم يوسف ” وتفاجئ الجميع بعد معرفه هذا السر .
يجسد شخصية "فاهيتا" حاتم الكاشف، شادي عبداللطيف، درسا في الجامعة الأمريكية بالقاهرة، وسافرا بعدها إلى الولايات المتحدة الأمريكية لدراسة السينما، ثم عملا في مصر بوكالة "جي دابليو تي"، وهي شركة متخصصة في الدعاية والإعلان، قبل أن يبدآ في تكوين شخصية "أبلة فاهيتا"، وعرضا الحلقات المبدئية على "يوتيوب" بقناة اسمها "إنروب".
يعمل "حاتم الكاشف" منذ فترة بشركة فودافون وموقع "يلو بيدج"، وكان من ضمن المخرجين الذين يتعاونون في صناعة الشخصية المخرجيْن "تميم يونس" و"علي علي" والأخير قام بإخراج كليب "ما يستاهلوشي" الذي شاركت فيه فاهيتا مع حسن الشافعي، إلى جانب المؤلف والمخرج عمرو سلامة الذي ساعد في كتابة بعض المواقف الكوميدية لأبلة فاهيتا، لكنه يرفض الإعلان عن نفسه بحسب شروط القائمين على صناعة "أبلة فاهيتا".
وانضم مؤخرا عدد من الأشخاص من بينهم محمد حفظي والذي يشارك ببرنامج "أبلة فاهيتا" الذي يذاع حاليا على شاشة cbc.
الفكرة بدأت كمشروع لحاتم وشادي على يوتيوب أطلقا عليها قناة "إنروب"، وكان أول ظهور لها يوم 21 أبريل عام 2010، بفيديو عنوانه "أبلة فاهيتا"، وكانت تتحدث فيه مع صديقتها "فايزة" أو"سوسو"كما تناديها، عن الفاهيتا والفراخ، وكانت الجملة الشهيرة في هذا الفيديو "وركة ولا صدرة"، وكانت تظهر بالفيديو ابنة فاهيتا "كارولينا" .
الاثنين، 26 ديسمبر 2016
حجات مش حتعرفها او تعرفيها غير بعد الجواز
حجات مش حتعرفها او تعرفيها غير بعد الجواز
بسم الله الرحمن الرحيم .
.
في حاجات مش هتعرفها غير وانت متجوز... !!
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا مش اللي في دماغك عشان دا كل الناس عرفاه. انك تبقى قاعد بتشرب كباية شاي وتلاقيها عاملة نسكافية لنفسها فتروح واخده منها وتشرب الاتنين. وتقولك بألف هنا يا حبيبي وتعمل واحد تاني.. لما تحلق دقنك تلاقي حد يحطلك افتر شيف وانت قاعد تقرأ الجورنال.. قلمك اليوني بول الاسود مش هيضيع كل ربع ساعة. دايما في شور جيل ريحته حلوة في الحمام. هتلاقي حد تديله شرباتك القديمة. المرة الوحيدة اللي هتحس بنشوة النصر في كل الالعاب ابتداءً من الكوتشينة والطاولة والشطرنج مرورا بخبط الكورة في الحيطة بمهارة وتديها كباري.. وطبعا هتطبق كل حركات الاستاذ ممدوح فرج في المصارعة عليها؛ الدي دي تي والسوفلكس والتروكي. هتلاقي حد يطبلك.. حقيقي الست بتاعتك لما تحبك وتطبلك هتحس انك اجدع من يوليوس قيصر.. مش هتعوز حاجة تانية في الدنيا. مش هيهمك اللي بيكسر عليك وانت سايق أو اللي بيكرهك في الشغل أو المرتب المتأخر.. سندوتش الجبنة في الفطار هيجيلك اربع تربع على طبق حواليه قطعتين زيتون وشرايح خيار وفنجان قهوة بوش.. مش رغيف تاكله وانت قاعد في التلاجة زي كلب البحر. هتلاقي حد تعمل فيه مقالب وتخوفه وتستمتع بتمسحه يتحامى فيك.. كل مرة هتسقف جامد وهي بتحط فيشة السخان فتتفزع هي وتفتكر ماس.. وتفضل تشتم فيك وانت عمال تضحك زي الاهبل في الصالة. وفجأة تسمع صويت في المطبخ تجري عليها، تلاقيها واقفة في ركن المطبخ خايفة من خنفسة على الحيطة.. فتمسك الشبشب كأنك هانيبال الافريقي الذي دوخ جيوش الرومان، وتقضي على الخنفسة بضربة واحدة، فتيجي تشدك من كمك في امتنان، فتحس انك قمت بانتصار يفوق سقنن رع في مواجهة الهكسوس أو رمسيس الثاني في معركة قادش. وكل ما تبدأ هي دايت تروح تشتري نص دستة جاتوه من مونجيني وتقعدوا تحتفلوا بالدايت سوا.. وليحيا الكرش.. وتقولها يا حبيبتي شكلك كدة حلو.. دايت ايه وخيبة ايه الست المصرية الرقيقة لازم تكون عريضة المنكبين واسعة المجانص وعندها رباط صليبي.
السبت، 24 ديسمبر 2016
شاهد فيفي عبده عايزا تاخد سيلفي مع ربنا (استغفر الله العظيم ) الام المثاليه
الجهل وصل بينا للدرجادي استغفر الله العظيم ربنا يولع فيكي يا شيخه
عايزة تاخد سيلفي مع ربنا في اخر 2016 في جهنم انشاء الله
الجمعة، 23 ديسمبر 2016
الأربعاء، 21 ديسمبر 2016
مشاهده برنامج باسم يوسف الجديد الحلقه الثالثه
باسم يوسف في برنامجه الجديد يتحدث عن امريكا و دونالد ترامب
باسم يوسف في برنامجه الجديد يتحدث عن امريكا و دونالد ترامب
طفل صغير يروي قصيده لامه اقسم بالله ستبكي عند سماعها
طفل صغير يروي قصيده لامه اقسم بالله ستبكي عند سماعها
لما جيت اكتب عن أمي " القصيدةة للشاعر عبدالله حسن "
لما جيت اكتب عن أمي
قولت عنهـأأ شايلةة همي
قولت دي بتجري في دمي
قولت ياما حاجات كثير
مش جديدةة
لما جيت اكتب عن امي
عاجزةة قدامي القصيدة
شايلة سري
كان زمان بيني وبينها حبل سري
اتقطع يوم الولادةة
واتوصل حبل الوداد ،
حب متحولش عادةة من كلام رب العباد
حبها اصلاً عبادةة
في التعب كانت بتسأل
جيه مؤثن جيه مذكر
جيه بيضحك جيه مكشر
جيه على الدنيا بسلامةة
وقتها مكنتش بفكر
كنت ببكي وكانت بتحضن بإبتسامةة
وقتها مكنتش بفكر
ده الضنا جيه م الضنا
لما جيت أكتب عن أمي
لقتني باكتب عني أنا
لما جيت أكتب عن امي عجزة قدامي الحروف
قام الألف زعق وقف
قالي ما تفهم يا ولا
ده أنا مشترك في اسم من لا شريك له
وأول الاسم الالف وأول الأم الالف ودي مش صدف
ربك بيخلق م العدم خلق الألم ،
وهنً على وهن
شالتني لحد ما بلغت الحُلم
وياما بتدلع عليهـأأ وياما بتمنع عليها
وياما حوطتني بجنحها وياما دمعت ف عنيها
ومن ايديا تاتا تاتا
ورجلي داست ع البلاطةة
وداس عليها عجل زمنا وكانت بتحضني ببساطةة
ولما كنت بتعب كانت تطبطب ,
كانت تجيبلي الشوكولاته ،
كبرت فجأة
لقتني بزهق من كلامها عن السجاير
عن العيال اللي مصحبهم
عن الدراسةة
خش ذاكر ،
اجي اتدلع تقولي ده أنت راجل
ده اللي قدك دخلوا دنيا
بص يا ابني
خلي بالك دي السنين زي الكلونيا
تحطها تطير بسرعةة
متلاقيش لهواها ريحة
السنين بجحة وصريحةة
امي مبتعرفش تجرح
بس ياما باتت جريحةة
لما جت وقفت قصادي
قلتلي انت امتدادي
انت نور عيني اللي شبهي
انت دونان عن ولادي
وقتها أنا كنت غاوي للغناوي
كنت اسيبهـأأ قاعدةة وانزل
اترمي ف حضن القهاوي
هي دي احلى عيشةة
هاتلي نار على فحم شيشةة
هاتلي طولة
امي دي فكراني طيشةة
لا ده انا راجل بشنبي
بصوا دقني ،
اما جالي الحزن دقني
والزمان خد مني خانةة
الدوا اللي عند امي
مش لاقيه في الاجزخانةة
كل ليلة كنت برجع
والدعاء صالبلي ظهري
والتعب فارق طريقي
والسنين بتقولي اجري
ف الزمن عمال بسابق
بلتقي بحضن بفارق
زحمت الدنيا خدتني
مفتكرهاش اللى لما بس الاقي الاكل حادق
انت فين مش عارف أكل
اقعدي جمبي تعالي
اسمعي اخر المهازل
مرة واحد حب ينجح قالو عنه دا فاشل
مرة واحد حب وحدةة
بس سابها لأنه عاطل
قالو عني اني شبهك
قالو واخد شكل شعرك
ضعف نظرك
والسنان البايظةة منك
ياما جرحوني يا امي وبدعاكي جات سليمةة
هما لما يقولوا عني ابن امي
دي شتيمةة
كملي جميلك يا امي وبعد عمر طويل أوووي
روحي للرحمن وقوليله ان ابني بيحبني أوووي
ياما زعلني وسمحته
ياما زعقلي وكان يكفيني بس اشم ريحته
كان بينسى يقولي شكراً وانا بديه من حياتي
بس انا وانت اللي عالم كنت بدعيله يوماتي
ربنا يهديه يسمحه
كان كثير يصعب عليا لما اشوف في عيونه جرحه
مهما يعمل
لسه أبني اللي كان في اللفه خايف
مهما ينطق لسه سامعةة ماما من أصغر شفايف
كملي جميلك يا امي
وروحي للرحمن قوليله
هو ابني امتدادي
هو نور عيني اللي شبهي
واما جيت اكتب عن امي
برضه كل كلامي عادي
الاثنين، 19 ديسمبر 2016
حمل احدث برامج للاندرويد مش حتلااقيها في حته تانيه
حمل احدث برامج للاندرويد مش حتلااقيها في حته تانيه
احدث برامج للاندرويد مش حتلاقيها في حته تانيه ..
1:البرنامج دا هيعلمك ازاي تفتح مواضيع مع اي بنت👏
2: افضل برنامج لزياده لايكات وفولرز الانستجرام
______________________
3: البرنامج دا هيركب صورتك ع الخلفيه وهيخلي شكلها جميل
4: البرنامج دا معمول للتعديل الشعر هيعدلك ع شعرك في
الصور تعديل كامل وهيركبلك شعر لو عايز ومش هيبان انو تركيب نهائيا
_______________________
5: افضل برنامج لاسترجاع الصور عن طريق الريكفري
وكمان هيرجعلك الفيديوهات ورسائل الواتس والماسنجر
والرسايل والمكالمات
___ _____________________
6: برنامج تمباتي فيه اكتر من 10 الف تمب اي تمب هتحتاج
هتلاقيه
________________________
7: الفوتوشوب النسخه الرسميه للاندرويد
_______________________
8: برنامج التليسكوب
بيقربلك اي حاجه وبيعمل عليها زوم والجوده بتبقي هي هي
مش بتبقا وحشه خالص
_______________________
9: البرنامج دا بيغيرلك شريط الاشعارات لاشكال كتيره
وجميله جدا
______________________
10: تطبيق
Wifi Protection للحماية من تطبيق Wifikill
_____________________
11: البرنامج دا هيثبتلك جوجل بلاي المهكر والمعدل تقدر
تشتري اي حاجه ببلاش
______________________
12: برنامج قطع النت ع المتصلين معاك ع الواي فاي
والتحكم في سرعه النت كمان الي بتوصلهم
______________________
13: برنامج التروكولر النسخه المدفوعه اخر اصدار
هيضيفلك درع
التروكولر الي هيا علامه الصح بتاعه المشكاهير دا غير انك هتتخفي هويتك والبرايمم
بس الي زيك الي هيشوفها
______________________
14: برنامج تسريع النت عند اعلي درجه ااي هيا H+ طبعا
______________________
15: برنامج
picsart متهكر اخر تحديث
الأحد، 18 ديسمبر 2016
كهف الجاره وما تخفيه مصر من جمالها - قطعه فنيه من وحي الطبيعه
كهف الجاره وما تخفيه مصر من جمالها - قطعه فنيه من وحي الطبيعه
يعتبر كهف الجارة الذي يقع فى الصحراء الغربية أروع ما وقعت عليه عين إنسان في منطقة إفريقيا عموماً والشمال منها خصوصاً، ويقع بالقرب من كثبان أبو محرق الرملية وبجوار درب قديم للقوافل يربط واحة الفرافرة في الصحراء الغربية بأسيوط، واكتشفه الألماني جيرهارد رولفز عام 1873 وذلك أثناء رحلته في صحراء الفرافرة للوصول إلي واحة الكفرة الليبية، ولكنه مكث بجوار تلك الكهوف للتعرف علي طبيعتها السحرية والتي تعد مجهولة حتي الآن ومازالت لغزاً محيراً لعلماء الجولوجيا حتي وقتنا هذا.
كهف الجارة ذو أبعاد سحرية نشأ كنتيجة طبيعية للماء النقي ومناخ الصحراء الجاف خلال ملايين من السنين، وهو يخالف كل كهوف المنطقة فى تكويناته وشكل رسوبياته الرائعة، حيث تبدو الأشكال الرسوبية الهابطة والصاعدة أشبه ما تكون بشلالات مياه متجمدة، وهي نتيجة لملايين من الأمتار المكعبة من المياه الأرضية التي تسربت خلال رمال الصحراء منذ ملايين من السنين وخلقت هذا الكهف الأرضي ثم جرى ترسيبها وتكثيفها بفعل الحرارة الشديدة.
الكهف يختلف عن باقي الكهوف المتعارف عليها من حيث الشكل والتكوين فمن الداخل يشبه اللوحات الجرافيتية الجذابة ذات الأبعاد السحرية التي رسمتها الطبيعه بفعل التكوين الترسيبي للرمال والمياه منذ الآف السنين حيث تبدو التكوينات و الأشكال الرسوبية عبارة عن شلالات ثلجية هابطة وصاعدة ارتفاعها يتجاوز 15 متراً , وذلك نتيجة لتسرب المياه الجوفية خلال رمال الصحراء منذ العصور الأولي .
ويوجد بمدخل الكهف العديد من الرسومات والمخربشات، وتوجد بساحة الكهف من الداخل بهو مجوف مملوء بالشلالات الصخريه الصاعدة والهابطة ذات المنظر الجذاب الرائع .
والمدهش أن داخل الكهف يشع نورا كما لو كانت الشمس بداخله, إذا أشعل أي شخص “عود كبريت” أو ولاعه وتضاء جميع جوانب الكهف علي قدرمساحته الشاسعه وتعتبر الشلالات الصخرية كقناديل معلقه تشع نورا وهاجاً علي قدر طولها .
وتعد صحراء الفرافرة من أغنى الصحروات في مصر بل والعالم , وذلك لغناها بالمناطق الأثرية والمعالم السياحية بل لا يكاد يخلو ركن منها إلا ويوجد به قطعة فنية من وحي الطبيعة، فضلاً عن المعالم والكهوف التي تحتفظ بها الصحراء لنفسها منذ القدم ليكون شاهد تاريخي علي مر العصور والحقب التاريخية.
ما لا تعرفه عن محمد ابو تريكه
ما لا تعرفه عن محمد محمد محمد ابو تريكه......
محمد محمد محمد أبو تريكة ..
تاريح الميلاد 7/11/1978 قرية ناهيا الجيزة ..........................................
مسيرته
1997 الى 2004 الترسانة شارك فى 52 سجل 28
2004 الى 2012 الاهلى شارك فى 292 وسجل 118
2012 الى 2013 بنى ياس شارك فى 18 سجل 10
2013 عاد الاهلى شارك فى 12 سجل 7
المنتخب الوطنى شارك فى 100 مبارااة سجل 38 هدف .................................................................
محمد محمد محمد أبو تريكة لاعب كرة قدم دولي مصري سابق، كان يلعب في مركز
خط وسط مهاجم أو مركز المهاجم الثاني.[4] يتميز بكونه لاعبا صانع ألعاب
ويساهم في الهجوم وإحراز الأهداف، بالإضافة إلى اللمسات السحرية ومهارات
المراوغة والاختراق، حيث تم تشبيه أسلوب لعبه باللاعب الفرنسي الشهير زين
الدين زيدان.[5][6]
بدأ حياته الكروية باللعب مع نادي الترسانة كناشيء
ثم انتقل إلى الفريق الأول للنادي واستطاع الصعود به إلى الدوري الممتاز
المصري ولعب معهم 4 مواسم، ثم انتقل إلى النادي الأهلي واستطاع إحراز سلسلة
من البطولات والإنجازات المتتالية محلياً وعالمياً، أبرزها برونزية كأس
العالم للأندية عام 2006 حيث حقق لقب هدّاف البطولة وقتها، بالإضافة إلى 5
بطولات دوري أبطال أفريقيا أعوام: 2005، 2006، 2008، 2012، 2013، و4 كأس
السوبر الأفريقي، كما أحرز أيضاً 7 بطولات دوري و3 كؤوس و4 كؤوس سوبر محلية
مع النادي الأهلي. وفي عام 2012 انتقل إلى بني ياس على سبيل الإعارة حيث
أحرز معهم بطولة الخليج للأندية لكرة القدم ثم عاد مرة أخرى إلى الأهلي عام
2013 واستطاع إحراز بطولة دوري أبطال أفريقيا 2013 للمرة الخامسة له مع
الأهلي ، وبعد انتهاء البطولة أعلن أن بطولة كأس العالم للأندية ستكون آخر
المطاف في عالم كرة القدم.[7]
بدأ اللعب الدولي عام 2004 مع المنتخب
المصري لكرة القدم حيث خاص تصفيات كأس العالم لكرة القدم 2006 ثم بطولة كأس
الأمم الأفريقية 2006 حيث بدأ تألقه حينما أحرز هدفين وقام بإحراز الركلة
الترجيحية الأخيرة التي ساهمت في فوز المنتخب المصري بالبطولة. ثم الفوز
بنفس البطولة عام 2008 للمرة الثانية علي التوالي،[8] ثم لعب بطولة كأس
العالم للقارات 2009 واستطاع مع فريقه تقديم اداء طيب في البطولة ومنها
الفوز علي المنتخب الإيطالي بطل العالم وقتها.
يعد أبو تريكة حتى الآن
هو الهداف التاريخي لدوري أبطال أفريقيا برصيد 33 هدف ، وكذلك يعد الهداف
التاريخي لديربي القاهرة (مباراة القمة) برصيد 13 هدف ، وهو يعد أيضا واحد
من ضمن نادي الفيفا المئوي وواحد من ضمن نادي المئة برصيد 105 هدف، وفي عام
2014 تم اختيار أبو تريكة من قبل الفيفا ضمن أفضل
الأربعاء، 14 ديسمبر 2016
تضامن قطر و فرنسا مع سوريا
تضامن قطر و فرنسا مع سوريا
أوضح شهود عيان أن قوت نظام بشار الأسد بالتعاون مع ميليشيات حزب الله قامت بالدخول إلى شرق حلب الان، حيث شنوا هجوم عسكري واسع على نظام المعارضة، وقاموا بإعدام أكثر من 200 شخصا وطفلا وسيدة رميا بالرصاص، واقتحموا مستشفى الشفاء، وقاموا بإعدام الطاقم الطبي الموجود هناك، وقد تسبب القصف الجوي من تدمير مئات المنازل، وأوضح فريق الحماية المدنية أنهم انتشلوا أكثر من 90 جثة حتى الآن، وجاري إخراج باقي السوريين تحت الأنقاض.
بينما طلبت اللجنة الدولية لمنظمة الصليب الأحمر، بسرعة وقف إطلاق النار على الفور، وأكدت في بيان رسمي، أنه يجب على الطرفين أن يتجنبا المدنيين، ويتفهموا أصول الحرب، ودعت المجتمع الدولي بضرورة التدخل لوقف نزيف الدماء، وطالبت بضرورة إنعاقد جلسة طارئة بمجلس الأمن للوصول لحل سلمي آمن.
أشار أسامة أبو زيد المتحدث الإعلامي للجيش الحر، أنه لا مانع بخروج المدنيين وإخلائهم من حلب أو من سوريا عامة، بضمانات دولية، إلا أنه أوضح في بيان صحفي، أن جيش بشار الأسد يجبرهم على المشاركة معهم والحرب بجانبهم، وطلب الدكتور سالم أبو النصر من المجتمع الدولي نصرة سوريا، من الحرب الإبادة التى بدأت قبل أيام من نظام بشار وإيران وروسيا، وتريد تدمير المدينة بكاملها.
بينما خرج الآلاف من الشعب السوري الموالي لبشار الأسد في غرب حلب، محتفلين بما وصفوه بالنصر، وقدموا الشكرا لدولة روسيا وإيران، ورفعوا الإعلام لكلتا الدولتين، بينما نشرت صحيفة الغارديان الإنجليزية البريطانية، أن أخبار سوريا الأن وحلب اليوم لا تبشر بالخير حيث أصبحت مقبرة كبرى، بعد سيطرة قوات بشار على أغلب الأحياء.
وقد أعلن مندوب روسيا بمجلس الأمن أنه تم الإتفاق على وقف كافة العمليات العسكرية في شرق حلب الآن ..
وقال أن المقاتلين والمصابين يخرجون اليوم خلال الساعات القادمة من ممرات تم الاتفاق عليها بعد الإنتهاء من هذه العملية العسكرية
بينما اعلنت قطربالغاء احتفالات اليوم الوطني تضامنا مع حلب
وباريس تعلن اطفاء انوار برج ايفيل الليله الســـ8ــاعه من مساء اليوم لدعم ومسانده حلب وجميع سكانها
الاشتراك في:
الرسائل (Atom)